Iqtisodiyot va sanoat vazirligi qayta tashkil etiladi

Bu haqda 26 mart kuni O‘zbekiston prezidenti Shavkat Mirziyoyev boshchiligida o‘tkazilgan yig‘ilishda ma'lum qilindi.

Kun.uz manbasi ma'lumotiga ko‘ra, qayta tashkil etilgan vazirlikni Jamshid Qo‘chqorov boshqarishda davom etishi kutilmoqda.

Qo‘chqorov 25 fevral kuni Bosh vazirning moliya-iqtisodiyot va kambag‘allikni qisqartirish masalalari bo‘yicha o‘rinbosari – Iqtisodiyot va sanoat vaziri lavozimiga tasdiqlangandi.

U 2017 yil noyabrida Moliya vaziri etib tayinlangan, 2019 yil fevralidan Bosh vazir o‘rinbosari — Moliya vaziri sifatida ishlab kelayotgan edi.

Jamshid Qo‘chqorov O‘zbekistonda Inqirozga qarshi kurashish jamg‘armasini shakllantirishda asosiy mas'ullardan biri hisoblanadi.