19:19 / 01.04.2020
16697
Коронавируснинг инкубация даври 14 кундан ошиши мумкинлиги аниқланди

Америкалик тадқиқотчилар 1 фоиз ҳолатда коронавируснинг инкубация даври 14 кундан ошиши мумкинлиги аниқлашди.

Фото: REUTERS

University of  Massachusetts ва Johns Hopkins Bloomberg School of Public Health тадқиқотчилари ҳамкорлигида COVID-19 коронавирусининг инкубация даври бўйича изланиш ўтказилди.

Унинг натижаларига кўра, синовларда иштирок этган беморларнинг 97 фоизида коронавируснинг инкубация даври давомийлиги ўртача 11,5 кунни ташкил қилган. Уларда касаллик аломатлари 8,2 – 15,6 кунда намоён бўлган.

Тадқиқотчилар 181 одамни коронавирусни юқтириб олишидан бошлаб, то дастлабки аломатлар пайдо бўлгунга қадар кузатиб, қаттиқ назорат қилишган. Натижалар 10 минг одамдан 101 нафарида касалик аломатлари карантин даври тугагандан кейин ҳам пайдо бўлиши мумкинлиги кўрсатмоқда. Бу кўрсаткич умумий ҳисобда 1 фоизни ташкил қилади.

Тадқиқотчилар фикрига кўра, бу кўрсаткичлар вақтинча карантинга олиш даврининг узунлиги масаласини қайта кўриб чиқиш ҳақида ўйлашга асос бўла олади.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top