22:35 / 02.04.2020
8687
АҚШда 104 ёшли уруш фахрийси коронавирусдан тузалди

АҚШнинг Орегон штатида яшовчи 104 ёшли қария, Иккинчи жаҳон уруши иштирокчиси Билл Лапсчис коронавирус келтириб чиқарган касалликдан соғайиб кетди.

Фото: AP

Fox News телеканалининг маълум қилишича, Лапсчис 104 ёшини жорий ҳафта бошида қаршилаган. Таъкидланишича, у коронавирусдан соғайган дунёдаги энг кекса одам бўлиши мумкин.

Қария Лебанон шаҳридаги қариялар уйида коронавирусга чалинган 15 кишидан бири бўлган. Бу қариялардан 2 нафари жорий ҳафтада вафот этган.

Аввалроқ Хитойда 103 ёшли Чжан Гуанфэнь исмли аёл коронавирусдан соғайиб кетгани маълум қилинганди. Аёл шифохонада 6 кунлик даволашдан ўтгач, уйига жавоб берилган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top