23:29 / 07.04.2020
15971
ЖССТ: дунёда коронавирус пандемияси тугаши ҳақида тахмин қилишга ҳали эрта

ЖССТ вакилининг сўзларига кўра, коронавирус инфекциясига қарши вакцина учун 20та дори кўриб чиқилмоқда.

Фото: PTI

Дунёда коронавирус пандемияси тугашини тахмин қилишга ҳали эрта, бу мавзуни икки ҳафтадан кейин кўтариб чиқиш мумкин. Бу ҳақда Жаҳон соғлиқни сақлаш ташкилотининг (ЖССТ) Россиядаги вакили Мелита Вуйнович маълум қилди.

"Бу ҳақда гапиришга ҳали эрта. Ҳозирда турли мамлакатларда таҳлиллар, моделлаштириш ўтказилмоқда, юқорига ҳаракатни секинлаштириш керак. Барчаси кўрилаётган чоралар ва вирус аҳолидан қандай ўтишига боғлиқ. Эҳтимол, бу ҳақда икки ҳафтадан кейин гапирармиз", - деди Вуйнович.

ЖССТ вакилининг сўзларига кўра, коронавирусга қарши дорилар устида клиник тадқиқотлар олиб борилмоқда. 

"Айни пайтда коронавирус инфекциясига қарши вакцина учун 20та дори кўриб чиқилмоқда", - деди у.

ЖССТнинг маълумот беришича, дунё бўйича коронавирусга чалинганлар сони 1,28 миллион кишига етган, 72 мингдан ортиқ киши вафот этган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top