Оқ уй матбуот котиби Стефани Гришэм ўз лавозимини тарк этади. Бу ҳақда CNN телеканали хабар бермоқда.
Стефани Гришэм 2019 йил июлда Оқ уй матбуот котиби лавозимини эгаллаганди. Ўтган вақт давомида у бирор марта ҳам журналистлар олдида чиқиш қилмади.
CNN телеканалининг маълумот беришича, Гришэм ўзининг илгариги лавозимига қайтади: АҚШнинг биринчи хоними Мелания Трампнинг матбуот котиби бўлади.
Гришэмнинг кетиши Оқ уй аппаратининг янги раҳбари Марк Медоуз ўз жамоасида ўзгаришлар қилаётгани билан боғлиқ, деб қайд этади телеканал.
