20:43 / 08.04.2020
18756
Чехия соғлиқни сақлаш вазирлиги мамлакатда коронавирус тарқалиши тўхтаганини маълум қилди

Чехия ҳукумати 6 апрелдан коронавирус тарқалишига қарши жорий этилган чораларни юмшата бошлади, хусусан, айрим дўконлар очилди, спорт билан шуғулланаётганда ниқоб тақмасликка рухсат берилди.

Фото: Getty Images

Чехия коронавирус инфекцияси тарқалишини тўхтата олди, деб маълум қилди мамлакат соғлиқни сақлаш вазири Адам Войтех.

"Биз учун энг ёмони ортда қолди. Шу билан бирга, касалхоналар ва интенсив даволаш палаталари зарур ресурсларга эга", - деди у.

7 апрель куни чехиялик мутахассислар коронавирусга чалиниш билан боғлиқ 195та ҳолат қайд этилганини маълум қилди.  

"Яқинда олинган маълумотлар умумий йўналиш ўзгарганини кўрсатмоқда. Бу касаллик тарқалиши тўхтаганини билдиради", деди Чехия соғлиқни сақлаш соҳасида ахборот ва статистика институти раҳбари Ладислав Душек.

Чехия ҳукумати 6 апрелдан коронавирус тарқалишига қарши жорий этилган чораларни юмшата бошлади, хусусан, айрим дўконлар очилди, спорт билан шуғулланаётганда ниқоб тақмасликка рухсат берилди.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top