20:48 / 13.04.2020
14616
Нью-Йорк мэри коронавирус билан боғлиқ вазият яхшиланганини билдирди

Нью-Йорк штатида коронавирусга чалинганлар сони 180 мингдан ортиқ бўлиб, биргина Нью-Йорк шаҳрида 7 мингга яқин киши вафот этган.

Нью-Йорк кўчалари бугун / Фото: Reuters

Нью-Йорк мэри Билл де Блазио касалхонага ётқизилган беморлар ва коронавирусга чалинишлар сони камайганлигини маълум қилди.

Унинг сўзларига кўра, 11 апрель куни Нью-Йорк касалхоналарига коронавирусга гумон қилиниб 383 киши ётқизилган. 

"Бундан бир кун олдин уларнинг сони 463та эди – бу сезиларли яхшиланиш, тўғри йўналишдаги қадам", - деди де Блазио.

Блазионинг айтишича, интенсив даволаш бўлимларидаги беморлар сони 11 апрель ҳолатига 835 нафарни ташкил этган, 10 апрель куни улар 857 нафар бўлган.

Сўнгги маълумотларга кўра, Нью-Йорк штатида коронавирусга чалинганлар сони 180 мингдан ортиқ бўлиб, биргина Нью-Йорк шаҳрида 7 мингга яқин киши вафот этган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top