Фойдаланувчилар сони кунига қарийб 1,5 млн кишига кўпаймоқда.

Фото : KUN.UZ

Telegram мессенжери фойдаланувчилари сони бир йилда ўттиз фоиздан ортиқроққа ўсди – ундан бир ойда 400 млн киши фойдаланмоқда. Бу ҳақда мессенжер баёнотида маълум қилинди.

"Telegram фойдаланувчилари сони ойига 400 млн кишига етди, бир йил аввал бу рақам 300 млн эди", - дейилади баёнотда.

Қўшимча қилинишича, фойдаланувчилар сони кунига 1,5 млн кишига кўпаймоқда.

Telegram мессенжери 2013 йилда "ВКонтакте" асосчиси Павел Дуров томонидан ишлаб чиқилган.