Qoʻshimcha funksionallar
-
Tungi ko‘rinish
Moskvadagi koronavirusga chalinganlar davolanayotgan shifoxonada yuz bergan yong‘inda bir kishi halok bo‘ldi
Ma'lumotlarga ko‘ra, Moskva shahrida koronavirusga chalinganlar soni 104 mingdan ortiq bo‘lib, 12,7 ming kishi sog‘aygan va 1010 kishi vafot etgan.
Moskva shahridagi koronavirusga chalinganlar davolanayotgan Spasokukotskiy nomidagi klinik kasalxonada yong‘in sodir bo‘ldi.
Dastlabki ma'lumotlarga ko‘ra, yong‘in oqibatida bir kishi halok bo‘lgan, uch kishi jarohat olgan.
Kasalxonadan 200ga yaqin bemor va tibbiyot xodimlar evakuatsiya qilingani aytilmoqda.
Favqulodda xizmat vakilining so‘zlariga ko‘ra, yong‘in olti qavatli binoning birinchi qavatida kelib chiqqan.
Hozirda yong‘in bartaraf qilingan bo‘lib, uning kelib chiqish sababi aniqlanmoqda.
Ma'lumotlarga ko‘ra, Moskva shahrida koronavirusga chalinganlar soni 104 mingdan ortiq bo‘lib, 12,7 ming kishi sog‘aygan va 1010 kishi vafot etgan.
Rossiya bo‘yicha esa koronavirus yuqtirganlar soni 200 mingga yaqinlashmoqda, bu ko‘rsatkich bo‘yicha mamlakat dunyoda 5-o‘rinda turibdi.
