21:42 / 13.05.2020
4077
Еврокенгаш раҳбари ЕИ мамлакатларини чегарани тезроқ очишга чақирди

Шарль Мишель чегараларни очиш иқтисодиёт ва туризм учун зарур эканлигини таъкидлади.

Фото: Reuters

Евроиттифоққа аъзо давлатлар ўз чегараларини иложи борича тезроқ очиши керак. Бу ҳақда Еврокенгаш раҳбари Шарль Мишель Европарламентнинг пленар йиғилишида айтди.

"Зарур эҳтиёт чораларини кўрган ҳолда Европа чегараларини имкон борича тезроқ очиш керак", - деди у.

Мишель чегараларни очиш иқтисодиёт ва туризм учун зарур эканлигини таъкидлади.

"Аъзо давлатлар Еврокомиссия тақдим этган таклифлар устида ҳамкорликда ишлаши ҳамда иқтисодиётимиз ва туризм учун зарур бўлган очилиш йўналишида олға ҳаракатланиши керак", - деб қўшиб қўйди у.

Аввалроқ Еврокомиссия Шенген ҳудуди мамлакатларига ЕИга учинчи давлатлардан киришга қўйилган тақиқни яна 30 кунга, 15 июнгача узайтиришни тавсия қилганди.  

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top