O‘zbekistondagi qamoqxonalar va mahbuslar soni ochiqlanadi

O‘zbekistonda ozodlikdan mahrum qilish bilan bog‘liq jazoni ijro etish sohasidagi bir qator ma'lumotlar maxfiylikdan chiqariladi. 22 aprel kuni Vazirlar Mahkamasining tegishli qarori qabul qilingan.

Foto: Sputnik

Adliya vazirligi xabariga ko‘ra, qarorga asosan, quyidagi ma'lumotlar maxfiylikdan chiqariladi:

IIVning jazoni ijro etish muassasalari va tergov hibsxonalarida saqlanayotgan shaxslar soni to‘g‘risidagi ma'lumotlar,
IIVning jazoni ijro etish muassasalari va tergov hibsxonalari soni hamda ular joylashgan joy to‘g‘risidagi ma'lumotlar,
JIEMlarning ishlab chiqarish faoliyati, ular tomonidan nomenklatura bo‘yicha va pul bilan ifodalanadigan ishlab chiqarilayotgan tovar mahsulotlari to‘g‘risidagi ma'lumotlar,
IIVning jazoni ijro etish muassasalari va tergov hibsxonalarida saqlanayotgan shaxslar orasida o‘lim holatlari soni to‘g‘risidagi ma'lumotlar,
JIEMlarda saqlanayotgan va tibbiy tusdagi majburiy choralar qo‘llaniladigan mahkumlar soni to‘g‘risidagi ma'lumotlar.