Joriy yilning 31 may kuni Talimarjon-12 yangi qudug‘ini burg‘ulash chog‘ida, 3680 m chuqurlikda salmoqli gaz namoyon bo‘lishi qayd etildi.
Quduq sinovdan o‘tkazilgach, undan ochiq stvoldagi kunlik debiti 200 ming kub.m ga teng bo‘lgan gazning sanoat miqyosidagi oqimi olindi.
Quduqda jumladan, Multi-GRP usulini qo‘llagan holda gaz qazib olish hajmini ko‘paytirishga qaratilgan ishlar davom ettiriladi. Ishlar natijasiga ko‘ra esa quduq kunlik debitining 400 ming kub.m gaz hajmigacha ko‘tarilishi kutilmoqda.
Barcha ishlar sanitariya-epidemiologiya talablari hamda ekologiya mezonlariga qat'iy amal qilingan holda olib borilmoqda.
Qazib olinayotgan uglevodorodlarning hammasi aholi ehtiyoji uchun mamlakat ichki bozoriga yuborilmoqda.
Epsilon Matbuot xizmati