Boris Jonson mashinasi yo‘l-transport hodisasiga uchradi

Britaniya bosh vaziri Boris Jonson mashinasi London markazida yo‘l-transport hodisasiga uchradi. Voqea kurdlar namoyishi ishtirokchisi yo‘lga yugurib chiqqani sababli yuz bergan.

Bosh vazir devonxonasi vakilining xabar berishicha, YTH vaqtida Jonson mashinada bo‘lgan. Hech kim jabrlanmagan. 

Guvohlarning ta'kidlashicha, mashina haydovchisi kurdlar namoyishi ishtirokchilaridan biri yo‘lga yugurib chiqqandan keyin tormozni keskin bosishiga to‘g‘ri kelgan. Shunda bosh vazir mashinasi ortidan kelayotgan tansoqchilar mashinasi unga urilib, mashinaning bamperi va yukxonasi eshigiga shikast yetkazgan. YTH sababchisi politsiya tomonidan ushlangan.

Bois Johnson in car crash at Parliament. Just now. Security drives into back of his car as Kurdish protester runs into road. pic.twitter.com/k1kCplzyZ5

— Steve Bray #HoldThemToAccount (@snb19692) June 17, 2020