2020 yilda aniqlangan qonun buzilishlarining aksariyati kadastr xodimlari hissasiga to‘g‘ri keladi – DXA
2020 yilda aholi va tadbirkorlarga davlat xizmatlarini ko‘rsatish jarayonida salkam 40 mingta qonun buzilishi aniqlangan. Shundan aksariyati, ya'ni 12 mingga yaqini kadastr xodimlari hissasiga to‘g‘ri keladi. Bu haqda Kun.uz’ga agentlik boshqarma boshlig‘i Ulug‘bek Mahmudov ma'lum qildi.

Foto: Shutterstock
«2020 yilning yanvar-may oylarida 40 mingga qonun buzilishi holatlari aniqlangan. Shundan 32 mingga yaqin muddat buzish, 2,5 mingdan ortiq to‘g‘ridan-to‘g‘ri davlat xizmati ko‘rsatish, 400 dan ortiq ortiqcha hujjat talab qilish, 5 mingdan ortiq boshqa turdagi qonun buzilishlarini tashkil etadi.
Qonun buzilishlarining aksariyati kadastr (12 mingga yaqin), gaz ta'minoti (6 mingdan ortiq), ichimlik va issiq suv ta'minoti (5,5 mingga yaqin), elektr ta'minoti (2 mingdan ortiq), sog‘liqni saqlash (2 mingdan ortiq), hokimliklar (1,5 mingga yaqin), soliq idoralari (1 mingdan ortiq), qurilish idoralari (600 ga yaqin) hissasiga to‘g‘ri keladi.
Aniqlangan qonun buzilishlari yuzasidan vakolatli idoralarga 331 ta taqdimnoma, 1 215 ta ogohnoma kiritilgan, 1 172 ta ma'muriy huquqbuzarlik to‘g‘risidagi bayonnoma rasmiylashtirilgan. Qo‘llanilgan ta'sir choralari natijasida 1172 nafar shaxs ma'muriy, 200 nafar shaxs intizomiy javobgarlikka tortilgan, 9 nafari esa vazifasidan ozod etilgan», deya Sevara Zokirovaning so‘zlarini keltirmoqda Kun.uz muxbiri.
Qayd etilishicha, vakolatli idoralarning mas'ul xodimlari davlat xizmatlari ko‘rsatishda axborot tizimlari bilan ishlash bo‘yicha yetarli bilim va ko‘nikmalarga ega emasligi, mas'ul xodimlarga davlat xizmati ko‘rsatish qo‘shimcha vazifa sifatida yuklatilganligi, xodimlarning qo‘nimsizligi, axborot tizimining mavjud emasligi hamda xizmat ko‘rsatish jarayonida axborot almashinuvi elektron shaklda yo‘lga qo‘yilmaganligi davlat xizmatlari ko‘rsatish sohasida qonun buzilishi holatlariga yo‘l qo‘yilishiga sabab bo‘lmoqda.
«Davlat idoralari tomonidan aholi va tadbirkorlik sub'yektlariga to‘g‘ridan-to‘g‘ri ko‘rsatilayotgan davlat xizmatlari ham nazorat qilib borilmoqda. Xususan, Davlat geologiya va mineral resurslar qo‘mitasi tomonidan tadbirkorlik sub'yektlariga noruda foydali qazilmalar mavjud bo‘lgan yer qa'ri uchastkasidan geologik o‘rganish uchun foydalanish huquqini beruvchi litsenziyalar belgilangan muddatlarda berilmaganligi uchun qo‘mitaning mas'ul xodimi E.Fozilov ma'muriy javobgarlikka tortildi.
O‘zbekiston prezidentining 2019 yil 25 fevraldagi qarorida Adliya vazirligi va Savdo-sanoat palatasiga davlat xizmatlari sifatini yaxshilash, aholining davlat organlari faoliyatidan qoniqishi darajasini hamda ularning xodimlari kasbiy mahoratini oshirish uchun “davlat xizmatlarining sirli mijozi” institutini joriy etish vazifasi yuklatilgan.
Shunga ko‘ra, adliya vazirining 2020 yil 19 martdagi buyrug‘i bilan “Davlat xizmatlarining sirli mijozi” instituti faoliyatini tashkil etish tartibi to‘g‘risidagi nizom tasdiqlandi.
Vakolatli idoralar tomonidan ko‘rsatilayotgan davlat xizmatlarining sifatini baholash uchun “sirli mijoz” tadbirlari o‘tkazilib, O‘zbekiston Respublikasi Prezidenti Administratsiyasiga axborot kiritib borilmoqda.
Davlat xizmatlari ko‘rsatish jarayoni ustidan nazoratni kuchaytirish maqsadida, Yagona interaktiv davlat xizmatlari portali orqali yuborilgan arizalarni ko‘rib chiqishda vakolatli organlar tomonidan qonun buzilishi holatiga yo‘l qo‘yilgan taqdirda fuqarolar mustaqil ravishda Agentlikka xabar berish imkoniyati yaratildi», deydi Sevara Zokirova.
Eslatib o‘tamiz, DXA tashkil etilgandan buyon aholi va tadbirkorlarga davlat xizmatlarini ko‘rsatish jarayonida 300 mingdan ortiq qonun buzilishi holati aniqlangan bo‘lib, ularning 83 mingdan ortig‘i kadastr idoralari, 33 mingdan ortig‘i mahalliy hokimliklar, 31 mingdan ortig‘i qurilish idoralari, 19 mingdan ortig‘i elektr tarmoqlari idoralari, 15 mingdan ortig‘i gaz ta'minoti korxonalari, 10 mingdan ortig‘i soliq idoralari, 5 mingdan ortig‘i suv ta'minoti idoralar), 4 mingdan ortig‘i ichki ishlar idoralari, 2 mingdan ortig‘i esa sog‘liqni saqlash idoralarining (2 mingdan ortiq) hissasiga to‘g‘ri keladi.
Tavsiya etamiz
Rossiya Ukraina janubini nega bu qadar tez ishg‘ol qilgandi? To‘rt asosiy savol va ularga javoblar
Jahon | 20:42 / 25.02.2025
“Videolarni montaj qilib tarqatishyapti” – YHXX rasmiysi «no photo» qonuni haqida
O‘zbekiston | 18:45 / 25.02.2025
Kim aybdor: o‘qituvchi yo o‘quvchi? | SUBYEKTIV
O‘zbekiston | 16:42 / 23.02.2025
Kun so‘rovi: bir oyda qancha kartoshka sotib olasiz?
Jamiyat | 09:38 / 23.02.2025
So‘nggi yangiliklar
-
Yevropaga AQSh yordamisiz o‘zini himoya qilishi uchun yiliga 250 mlrd yevro va 300 ming askar kerak bo‘ladi
Jahon | 02:30
-
Blue Origin kapsulasi kosmosga turistik parvozni muvaffaqiyatli amalga oshirdi
Fan-texnika | 01:29
-
Vengriya sakkiz nafar rossiyalik YeI sanksiyalar ro‘yxatidan chiqarilishini talab qildi
Jahon | 23:20 / 25.02.2025
-
JSST: 2050 yilga borib dunyoda ko‘krak bezi saratonidan o‘lim holati 68 foizga oshadi
Jahon | 23:10 / 25.02.2025
Mavzuga oid

16:12 / 20.01.2025
Toshkent shahri hokimligi ko‘chmas mulk sotib olishda ehtiyot bo‘lishga chaqirdi

16:35 / 16.01.2023
Davlat xizmatlari markazlarining barcha resurslari fuqarolarga yordam rejimiga o‘tkazildi

08:21 / 14.01.2023
2022 yilda yerni o‘zboshimchalik bilan egallash bo‘yicha 18,5 mingta holat aniqlandi

10:42 / 03.01.2023