Jizzax viloyatining Do‘stlik tumani 1 iyuldan yopiladi

Ma'lum qilinishicha, aholining sanitariya-epidemiologik osoyishtaligi va xavfsizligini ta'minlash, koronavirus infeksiyasi tarqalishining oldini olishda mutasaddi davlat va xo‘jalik boshqaruvi organlari hamda tashkilotlarning muvofiqlashtirilgan faoliyatini tashkil etish, fuqarolarning hayoti, ularning sog‘lig‘ini muhofaza qilish maqsadida viloyat va tuman hokimlarining tegishli qarorlari qabul qilingan.

Ma'lumot uchun, Sanitariya-epidemiologik osoyishtalik agentligining 26 iyundagi qaroriga ko‘ra, Jizzax viloyatining Sharof Rashidov tumanidan boshqa barcha hududlari, jumladan, Do‘stlik tumani ham «yashil» hudud sifatida belgilandi. 29 iyun kuni Jizzax viloyatida 5ta yangi holat (shundan 4tasi aholi orasida) qayd etildi.

Eslatib o‘tamiz, Respublika maxsus komissiyasi qaroriga ko‘ra, 1 iyuldan O‘zbekistonning «sariq» hududlarida soat 22:00 dan keyin maxsus ruxsatnomasiz yurgan avtomobillarga qarshi nazorat kuchaytiriladi.