17:34 / 03.08.2020
3696

Navoiyda 400 o‘rinli taqsimot punkti ishga tushdi

Bugun, 3 avgust kuni Navoiy shahridagi «Yoshlar» sport majmuasida 400 o‘rinli majmua tashkil etildi. Navoiy shahar hokimligi axborot xizmati xabar qilishicha, bu yerga bemorlar tashxislash, saralash, tegishliliga qarab taqsimlash maqsadida olib kelinadi.

Mazkur markaz bemorlarga birlamchi tibbiy xizmat ko‘rsatadi. Punktning tez tibbiy yordam bo‘limiga harorati ko‘tarilib murojaat etgan bemorlar keltiriladi. Jarayonda bemorlar tashxislanib, ular ahvolining o‘ta og‘ir, og‘ir va yengilligiga qarab saralash ishlari tashkil etiladi.

Bemorlarning klinik belgilaridan kelib chiqib, ular shifoxonaga yoki uyida davolanish uchun yo‘naltiriladi.

Muassasa tibbiy ko‘rik uchun tibbiyot anjomlari bilan ta'minlangan, shuningdek, 200 kislorodli o‘rin tashkil etilgan. Jami 44 nafar tibbiyot xodimlari jalb etilgan.

Oldinroq Qarshi shahrida ham xuddi shunday taqsimot markazi tashkil etilgandi.

Top