Payariqda 60 nafar o‘qituvchida koronavirus aniqlandi

Butun mamlakat bo‘ylab maktab o‘qituvchilari koronavirusga test topshirmoqda. Samarqand viloyati Payariq tumanida ham o‘qituvchilar testdan o‘tkazildi.

Tuman hokimligi axborot xizmatining ma'lum qilishicha, birinchi kuni 576 nafar payariqlik o‘qituvchi test topshirgan va ulardan 60 nafarida koronavirus aniqlangan. Umumiy hisobda 1 860 nafar pedagog test topshirgan bo‘lib, qolgan natijalari hali aniq emas.

Tumandagi 47 810 nafar ota-onalar o‘rtasida so‘rovnoma o‘tkazilgan. Ulardan 35 850 nafar ota-ona an'anaviy ta'lim shaklini, 11 959 nafar ota-ona esa farzandlari onlayn ta'lim olishini tanlagan.

Ma'lumot uchun, Payariq tumanida 99 ta umumta'lim maktabi faoliyat ko‘rsatadi.

Jomboyda 40 nafar o‘qituvchida koronavirus aniqlandi.

#Payariq tumani #koronavirus