20:33 / 26.09.2020
7287
EPSILON (EDC): Ўзбекистон газ етказиш тизимини ривожлантириш давом этмоқда

EDC куз-қиш мавсумида аҳолига газ етказиш барқарорлигини таъминлаш мақсадида республика газ етказиш инфратузилмасини модернизация қилиш ишларини бажармоқда. Мазкур ишлар билан Жиззах, Самарқанд, Сирдарё, Навоий, Наманган ҳамда Қашқадарё вилоят ҳудудлари қамраб олинган.

Жумладан:

  • “Оҳангарон-Пунган” газ қувурининг Қамчиқ довонидан ўтувчи қисмида, узунлиги 25 км бўлган ёнлама қувур тортиш (лупинг) ҳамда қувурнинг 338 км дан бошланган, “Янгиер КС-Ширин ГТС” гача бўлган 4,7 км лик масофада газ оқими йўналишини ўзгартиргич (отвод) қурилиши;
  • “Муборак-Зирабулоқ” (БГХ-ТБА), “ДБСТ”, “Келиф-Муборак” ва “БГХ-ТБА-А” газ қувурларининг умумий 25,8 км лик авариявий қисмларини тўлиқ таъмирлаш ишлари амалга оширилмоқда.

26 сентябрь ҳолатига кўра:

  • Юқори тоғ қисмидан ўтувчи газ қувурларини ётқизиш учун йўлак тайёрлаш – 3,7 км;
  • Ётқизиш учун йўлакка олиб келинган қувурлар – 11,6 км;
  • Кавланган зовурлар – 5,4 км;
  • Қаторга пайвандланган қувурлар – 8,5 км;
  • Ётқизилган қувурлар 4,6 км ни ташкил этди.

Барча ишлар ўрнатилган санитария-эпидемиология ва экология меъёрларига мувофиқ тарзда бажарилмоқда.  

Epsilon Матбуот хизмати

Top