23:48 / 08.10.2020
2743
АҚШ Эроннинг 18 банкига қарши санкциялар киритди

АҚШ Эроннинг 18та банкини санкциялар рўйхатига киритди. 

Фото: AP

Санкциялар остига тушган банклар орасида Amin Investment Bank, Bank Keshavarzi Iran, Bank Maskan, Iran Zamin Bank ва бошқа банклар бор. АҚШ молия вазирлиги ушбу банкларни Эрон ҳукуматининг “ғаразгўй фаолиятини” молиялаштиришда айблаган.

“Эрон террорчилик фаолиятини қўллаб-қувватлашни ва ўз ядровий дастурини тўхтатмагунча, санкциялар давом этади”, деб айтган АҚШ молия вазири Стивен Мнучин.

Сентябрь охирида АҚШ Эрон мудофаа вазирлигига қарши санкциялар киритганди. АҚШ давлат котиби Майк Помпео таъкидлаганидек, АҚШ президенти Дональд Трамп Эронга қарши қурол эмбаргосини тикловчи фармонни имзолаган.   

Top