Масжидда ҳозирча Саудия Арабистони фуқаролари ва қиролликда яшовчилар ибодат қилишлари мумкин.
Саудия Арабистонида ибодат қилувчилар учун мамлакатдаги асосий ва дунёдаги энг йирик ал-Ҳаром масжиди очилди. Бу ҳақда Ливаннинг The Daily Star нашри хабар бермоқда.
Етти ойдан буён илк бор масжидда ибодат қилишга рухсат берилди – масжид бу вақт давомида коронавирус пандемияси сабабли карантинга ёпилганди.
Хабарда қайд этилишича, масжидда ҳозирча Саудия Арабистони фуқаролари ва қиролликда яшовчилар ибодат қилишлари мумкин.
Саудия Арабистонида аввалроқ чекловлар енгиллаштирилиб, маҳаллий аҳолига Умра зиёрати учун рухсат берилганди.
Апрель ойида Саудия Арабистони қироллик оиласининг 150дан ортиқ аъзолари коронавирус юқтиргани хабар қилинганди. Мамлакатда пандемия бошланганидан буён 340 мингдан ортиқ киши касалликка чалинган, улардан 5,1 минг нафари вафот этган.
