13:03 / 28.10.2020
3886
EPSILON (EDC): Талимаржон-9 ва Алоуддин-4 қудуқлари бераётган кунлик газ ҳажми оширилди

Замонавий ускуна ва технологияларни амалга жорий этган ҳолда углеводородларни кўпроқ қазиб чиқариш бўйича ишлар давом эттирилмоқда. Бугун, 28 октябрь куни мукаммал таъмирлаш ҳамда ГРП ишларидан сўнг Талимаржон-9 қудуғидан олинаётган кунлик газ ҳажми 60 минг куб.м гача кўпайди.

Шунингдек, Алоуддин-4 янги қудуғини ўзлаштириш жараёнида ўтказилган ГРП амалиёти якунлангач, кунлик ҳажми 30 минг куб.м бўлган газнинг саноат даражасидаги барқарор оқими олинди.

Бугуннинг ўзидаёқ иккала қудуқ олинаётган газни республика аҳолисига етказиб бериш учун асосий газ қувурларига уланади. Барча ишлар белгиланган санитария-эпидемиология ва экология қоидаларига мос тарзда бажарилмоқда.

Epsilon Матбуот хизмати

Top