Масс-медиа фонди «Медиа ва коммуникациялар мактаби» лойиҳаси доирасида матбуот хизмати ходимлари учун навбатдаги малака ошириш курсига қабул эълон қилди.

Фото: Масс-медиа фонди

Курслар 9–11 ноябрь кунлари, соат 10:00 – 17:00 оралиғида ташкил этилади.

Машғулотлар ўзбек тилида олиб борилади. Курс дастури қуйидагиларни ўз ичига олади:

• PR – пайдо бўлишидан ҳозирги вақтдаги ролигача
• Мақсадли аудитория ва у билан ишлаш усуллари
• PR – коммуникация: турлари ва динамикаси
• Медиарилейшнз: журналистларга ёндашув топишнинг усуллари
• Пиарматн ва унинг хусусиятлари
• Матбуот анжумани: назария. Ноқулай саволларга жавоб бериш усуллари
• Фейкларни аниқлаш усуллари
• Инфосабаб, сторителлинг, паблицит капитал
• Фрейминг ва рефрейминг
• Камера қаршисида гапиришнинг сирлари
• PR стратегия
• Инқирозли вазиятни қандай бошқариш мумкин
• Инқирозга қарши PR
• Бошқа масалалар

Курслар ўзлаштирилган кўникмаларни амалда мустаҳкамлаш билан олиб борилувчи интерфаол машғулотлар шаклида олиб борилади.

Номзодларга қўйиладиган талаблар:

• камида бир йил давомида матбуот котиби сифатида ишлаганлик тажрибаси;
• пресс-релиз ва бошқа матбуот материалларини ёзиш техникаси ва усулларини билиш;
• интервью, матбуот анжуманлари ва брифингларни ташкил этиш ва ўтказиш қоидаларини билиш;
• интернет тармоғида ишлаш, мультимедиа ускуналаридан фойдаланиш кўникмалари;

Қуйидаги ҳавола орқали рўйхатдан ўтиш мумкин.

Рўйхатдан ўтиш муддати – 6 ноябрь соат 12:00гача.