«Nasaf» OFK kubogida, OKMK esa OChLda ishtirok etadi

O‘zbekiston Professional futbol ligasi direktori vazifasini bajaruvchi Diyor Imomxo‘jayev 2021 yilgi mavsumda qaysi klublar Osiyoda O‘zbekiston sharafini himoya qilishi haqida ma'lumot berdi.

«OFK «Nasaf» klubini OFK kubogida o‘ynashi mumkin bo‘lgan jamoalar qatoriga qo‘shdi. Ammo klub Osiyo Chempionlar ligasida ishtirok eta olmaydi.

Demak, «Paxtakor» OChL guruh bosqichida, OKMK esa OChL saralashida ishtirok etadi. OKMK saralashni muvaffaqiyatli bosib o‘tsa, «Nasaf» OFK kubogi guruh bosqichida o‘ynaydi. Ya'ni, «Nasaf» bugungi raqibi OKMK uchun saralashda muxlislik qilishiga to‘g‘ri keladi», - deya yozadi Imomxo‘jayev telegramdagi kanalida.

Avvalroq, «Nasaf» klubi OChLda ishtirok etish uchun belgilangan talablarni bajara olmagani tufayli OChL litsenziyasini ololmagani haqida xabar qilingandi.