Interpol Bayrutdagi portlash ishi bo‘yicha 2 rossiyalikni qidiruvga berdi

Foto: Thibault Camus / EPA / TASS
Interpol 2020 yil avgustda Bayrutda yuz bergan kuchli portlash ishi bo‘yicha 2 rossiyalik va bir portugaliyalikni qidiruvga berdi. “Qizil bildirishlar” Bayrutdagi portlashga sabab bo‘lgan ammoniy nitratini 2013 yilda Bayrut portiga keltirgan Rhosus kemasi egasi va kapitaniga hamda ushbu moddani sotish bilan shug‘ullanuvchi portugaliyalikka nisbatan chiqarilgan.
2020 yil oktyabrda Livan sudi kema egasi va kapitanini hibsga olish uchun xalqaro order berishni so‘ragan.
Interpol qidirilayotgan shaxslarning ismlarini ochiqlamagan, biroq Livan matbuotining ta'kidlashicha, gap kema kapitani Boris Prokoshev va kema egasi, Kiprda yashovchi rossiyalik biznesmen Igor Grechushkin haqida bormoqda. Bundan tashqari, 2014 yilda Bayrut portiga tushirilgan ammoniy nitratni ko‘zdan kechirgan portugaliyalik Jorji Manuela Netu Moreyru ham qidiruvga berilgan.
Interpolning “qizil bildirishi” u bo‘yicha qidiruvga berilgan kishilarning davlatlar tomonidan tezda hibsga olinishini talab etmaydi. Bu bajarilishi shart bo‘lgan order hisoblanmaydi.
Bayrut portidagi portlash 2020 yil 4 avgustda yuz bergandi. O‘shanda portda bir necha yil davomida saqlanib kelgan 2,7 ming tonna ammoniy nitratning portlashi oqibatida 200ga yaqin kishi halok bo‘lgan, 6,5 ming kishi jarohat olgan, 300 mingdan ko‘proq kishi boshpanasiz qolgan. Buning ortida Livanda hukumatga qarshi noroziliklar boshlangan. Namoyishchilar hukumatni odamlarning o‘limiga olib kelgan loqaydlikda ayblashgan.
Tavsiya etamiz
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
Urush tugadi, endi Isroil va Eron nima qiladi?
Jahon | 12:02 / 30.06.2025
Ko‘chmas mulk savdosini naqdsiz shaklga o‘tkazish rejalashtirilyapti
Iqtisodiyot | 11:26 / 30.06.2025
Hindistonda o‘n millionlab odam uran bilan ifloslangan suvni ichmoqda - olimlar
Jahon | 09:01 / 30.06.2025
So‘nggi yangiliklar
-
BMT: G‘azoda atigi 4,6 foiz foydalanishga yaroqli ekin maydoni qoldi
Jahon | 07:41
-
Lukashenko yil oxirigacha «Oreshnik» Belarusda joylashtirilishini ma’lum qildi
Jahon | 07:37
-
JSST zararli mahsulotlar narxini oshirishga chaqirdi
Jahon | 23:50 / 02.07.2025
-
Andijonda profilaktika inspektori pichoqlandi, Qo‘yliq yo‘lida megatirbandlik yuzaga keldi - mahalliy dayjest
O‘zbekiston | 23:39 / 02.07.2025
Mavzuga oid

21:28 / 02.07.2025
Moskva markazida ichida FSB veteranlari bo‘lgan mashina portlab ketdi

10:13 / 02.07.2025
“Va’da qilgan tovon pulini bermay yurishibdi” - Farg‘onadagi portlashda to‘rt jigarini yo‘qotgan aya

21:58 / 30.06.2025
Farg‘onada portlagan propan shoxobchasi rahbari sudda qanday ko‘rsatma bergan?

19:05 / 30.06.2025