O‘zbekiston Respublikasining doimiy aholisi soni 653,7 ming kishiga oshdi. Bu haqda Davlat statistika qo‘mitasi xabar bermoqda.
Qo‘mita ma'lumotlariga ko‘ra, 2021 yilning 1 yanvar holatiga ko‘ra, respublikaning doimiy aholisi soni 34,5 mln kishini tashkil etmoqda.
Aholi soni o‘tgan yilning shu davriga nisbatan 653,7 ming kishiga ko‘paygan. Doimiy aholining o‘sish sur'ati 1,9 foizga teng.
Mamlakat aholisi har oyda o‘rtacha 54,5 ming kishiga ko‘paygan. 2020 yilning har bir kunida doimiy aholi soni o‘rtacha 1,8 ming kishiga oshgan.
