Shavkat Mirziyoyev - chet elda o‘qib kelib, rahbar sifatida ishlayotgan yoshlar haqida
Prezident Shavkat Mirziyoyev 19 yanvar kuni ma'naviyat masalalariga bag‘ishlangan selektor o‘tkazdi. Selektorda davlat rahbari xorijda o‘qib kelgach, mas'ul lavozimlarga tayinlanayotgan yoshlar haqida to‘xtaldi.
«Yoshlarga katta-katta lavozimlarni ishonib topshiryapmiz. Ularda bilim bor, iste'dod bor. Afsuski, ayrimlari milliy zamin, milliy ma'naviyatimizdan uzoqlashib ketgani sezilib qolmoqda. Ularning ko‘plari o‘zlari o‘qib kelgan xorijiy davlatlardagi tajribani tez va shoshilinch amalga oshirmoqchi bo‘lyaptilar, ammo bunday natijaga o‘sha davlatlar bir necha yuz yillar davomida erishgani haqida ular o‘ylab ko‘rmayapti.
Men bunday yoshlarimizga milliy tariximiz va qadriyatlarimizni, o‘z ijtimoiy muhitini chuqur o‘rganishni maslahat bergan bo‘lar edim», – dedi Mirziyoyev.
Davlat rahbari ro‘y berayotgan ijtimoiy-siyosiy jarayonlarni chuqur tushunib, ta'sirchan tilda yetkazib beradigan tahlilchi va ekspertlar juda kamligini qayd etdi.
«Bugun dunyoda insonning ongi va qalbini egallash tobora kuchayib bormoqda. Bu ishning boshida turgan kuchlar o‘z maqsadiga erishish yo‘lida targ‘ibotning barcha usullaridan unumli foydalanyapti. Shunday vaziyatda jamiyatimizni ma'naviy tahdidlardan himoya qilish borasidagi ilmiy-amaliy tadqiqotlarni tubdan qayta ko‘rib chiqishimiz zarur.
Umuminsoniy, milliy va diniy qadriyatlarimizga bepisandlik holatlariga qarshi kurashning metodologik asoslarini shakllantirishimiz lozim.
Shu ma'noda Ma'naviyat va ma'rifat, Taraqqiyot strategiyasi, Islom sivilizatsiyasi markazlari, ijtimoiy-gumanitar yo‘nalishdagi tadqiqot institutlari haqiqiy aql markazlariga aylanishi kerak», – dedi Shavkat Mirziyoyev.
Tavsiya etamiz
AQShda xatolik tufayli 400 yilga qamalgan erkakka 1,7 mln dollar kompensatsiya to‘landi
Jahon | 23:34 / 04.07.2025
«Ba’zilar uchun genotsid daromadli» - BMT eksperti butun dunyoni Isroil bilan savdoni to‘xtatishga chaqirdi
Jahon | 18:56 / 04.07.2025
40 daraja issiq: bunaqa paytda xodimlar qanday huquqlarga ega?
Jamiyat | 17:15 / 03.07.2025
Issiqdan qanday saqlanish kerak? – JSST tavsiyalari
O‘zbekiston | 16:06 / 02.07.2025
So‘nggi yangiliklar
-
Shavkat Mirziyoyev Jizzax viloyatida islohotlar natijadorligi bo‘yicha hisobot bilan tanishdi
O‘zbekiston | 19:58
-
O‘zbekiston fuqarolari uchun Kanada, Argentina va Avstraliya vizasini olish osonlashishi mumkin
O‘zbekiston | 19:46
-
«Ozarboyjon bo‘ysunishga tayyor emas»: Boku va Moskva bahsi nima bilan tugaydi?
Jahon | 19:30
-
Vaqtinchalik ro‘yxatda turgan fuqarolarning farzandlarini maktabga qabul qilishda cheklovlar mavjud emas – MMTV
O‘zbekiston | 19:00
Mavzuga oid

12:03 / 30.06.2025
«Yoshlarimizni ko‘rib, har qanday davlat bizga havas qilsa arziydi» – prezident

11:05 / 30.06.2025
Shavkat Mirziyoyev yoshlar bilan uchrashuv o‘tkazadi

19:50 / 28.06.2025
Bobur Abduxoliqov va Gulruxbegim Tohirjonova davlat mukofoti bilan taqdirlandi

15:57 / 12.06.2025