O‘zbekiston | 22:35 / 25.01.2021
6924
4 daqiqa o‘qiladi

Bog‘cha tarbiyalanuvchilariga chiqindini saralash ko‘nikmasi o‘rgatiladi

O‘zbekistonda bog‘cha bolalari «Qiziqarli chiqindi» didaktik o‘yini orqali chiqindilarni saralashga o‘rgatiladi. Ekologik loyiha uchun YeXHT mablag‘ ajratdi.

Foto: Kun.uz

Maktabgacha ta'lim tashkilotlari tarbiyalanuvchilariga chiqindilarni saralash ko‘nikmalari o‘rgatiladi. Bu – «Qiziqarli chiqindi» didaktik o‘yini orqali amalga oshirilishi rejalashtirilgan.

Hozirda loyiha pilot bosqichida amalga oshirilmoqda, deb xabar beradi Kun.uz muxbiri.

Bu haqida Maktabgacha ta'lim vazirligining tizimda ekologik ta'lim va ekologik madaniyatni rivojlantirishni joriy etish bo‘yicha pilot loyiha mavzusidagi matbuot anjumanida ma'lum qilindi.

Dastur Yevropada xavfsizlik va hamkorlik tashkilotining O‘zbekistondagi vakolatxonasi, Maktabgacha ta'lim vazirligi, SVB Advisory Britaniya – O‘zbekiston barqaror rivojlanish kompaniyasi va Hashar Week ijtimoiy loyihasi hamkorligida amalga oshirilmoqda.

Maktabgacha ta'lim vaziri Agrippina Shinga ko‘ra, loyihaning pilot bochqichi Toshkent shahridagi 13ta bog‘chada o‘tkazilmoqda.

«Hozirgi kunda ekologik muammolar global masshtabda ahamiyat kasb etmoqda. Shu nuqtayi nazardan, ekologik tarbiyani maktabgacha ta'lim tashkilotlarida joriy qilish ham muhim.

Jon Makgregor va Agrippina Shin

Pilot bosqichida loyiha bilan 4069 nafar bola va ularning ota-onalari qamrab olingan. Dastur 3 yoshdan 7 yoshgacha bo‘lgan bolalarning yosh xususiyatlarini inobatga olgan holda ishlab chiqilgan.

Dastur samaradorligini ta'minlash maqsadida pilot loyihada ishtirok etayotgan 13ta MTTning 50 nafar tarbiyachisi uchun 2020 yilning dekabr oyida o‘quv seminarlari o‘tkazildi. Bunda tarbiyachilar bog‘cha yoshidagi bolalarning ekologik ta'limi doirasida xulq-atvor psixologiyasi texnikalarini o‘zlashtirishdi.

Loyiha keyinchalik respublikaning barcha hududlaridagi bog‘chalarda tatbiq etilishi rejalashtirilgan», – dedi vazir.

Hashar Week ijtimoiy loyihasi muallifi va rahbari Suna Park chiqindilarni saralashni bolalarga o‘rgatish jarayoni qanday kechishi haqida ma'lumot berdi.

Suna Park, Hashar Week ijtimoiy loyihasi muallifi

«Bolalarga qayta ishlanadigan va qayta ishlanmaydigan chiqindilar haqida kichik ma'ruzalar shaklida ma'lumot beriladi. Bolalar toza ekologik mahsulot bo‘lgan o‘yinchoq qutilarga O‘zbekiston sharoitida eng ko‘p uchraydigan maishiy chiqindilar nomi ko‘rsatilgan kartochkalarni qog‘oz, plastik va qayta ishlanmaydigan chiqindilarga saralab tashlashni mashq qilishadi.

Keyingi bosqichda esa katta qutilarga haqiqiy chiqindini saralab tashlashni o‘rganishadi.

O‘yinchoq chiqindi qutilari

Bola bog‘chada chiqindini saralashni o‘rgangani bilan uyda va ko‘chada ham shunga amal qilishi uchun ularning ota-onalariga tavsiyalar berib boriladi. Shuningdek, shahar infratuzilmasini ham chiqindini saralab tashlashga asoslangan holda chiqindi qutilari bilan ta'minlash masalasi ham ko‘rib chiqilishi lozim», – dedi Suna Park.

Loyiha bilan bog‘liq barcha xarajatlarni YeXHT moliyalashtirmoqda.

Jon Makgregor, YeXHTning O‘zbekistondagi loyihalari koordinatori

«Bolaga biron ko‘nikmani o‘rgatish qanchalik erta yoshda boshlansa, buning samarasi shunchalik yaxshi bo‘ladi. U bog‘chada o‘rgangan narsasini uyda, yaqinlari davrasida ham qo‘llay boshlaydi va shu orqali kattalarni ham shu yangi ko‘nikmadan xabardor qiladi.

Shu nuqtayi nazardan, chiqindilarni saralashni maktabgacha ta'lim tashkilotlaridan boshlab o‘rgatish juda o‘rinli qarordir», – dedi YeXHTning O‘zbekistondagi loyihalari koordinatori Jon Makgregor.

Mavzuga oid

E`lonlar

Golden House  biznes-klassdagi O‘z Makon II turar joy majmuasi taqdimotiga taklif etadi

O‘zbekiston Respublikasi Hisob palatasi va Toshkentdagi Singapur menejmentni rivojlantirish instituti o‘rtasida hamkorlik aloqalari yo‘lga qo‘yildi

Tenge Bank Visa bilan hamkorlikda bir qator innovatsion to‘lov xizmatlarini ishga tushirmoqda

O‘zbekiston Milliy banki dam olish kunlarida ham siz uchun xizmat ko‘rsatadi

Fermerlar va dehqonlar uchun qulay imkoniyat – “O‘zkimyosanoat” AJ mineral o‘g‘itlarga 10 foizgacha chegirma narxlarini taklif etmoqda 

Toshkent Kimyo xalqaro universiteti va Pukyong milliy universiteti o‘rtasidagi ilmiy va madaniy hamkorlik rivojlanmoqda

Golden House  biznes-klassdagi O‘z Makon II turar joy majmuasi taqdimotiga taklif etadi

O‘zbekiston Respublikasi Hisob palatasi va Toshkentdagi Singapur menejmentni rivojlantirish instituti o‘rtasida hamkorlik aloqalari yo‘lga qo‘yildi

Tenge Bank Visa bilan hamkorlikda bir qator innovatsion to‘lov xizmatlarini ishga tushirmoqda

O‘zbekiston Milliy banki dam olish kunlarida ham siz uchun xizmat ko‘rsatadi

Fermerlar va dehqonlar uchun qulay imkoniyat – “O‘zkimyosanoat” AJ mineral o‘g‘itlarga 10 foizgacha chegirma narxlarini taklif etmoqda 

Toshkent Kimyo xalqaro universiteti va Pukyong milliy universiteti o‘rtasidagi ilmiy va madaniy hamkorlik rivojlanmoqda

Golden House  biznes-klassdagi O‘z Makon II turar joy majmuasi taqdimotiga taklif etadi

O‘zbekiston Respublikasi Hisob palatasi va Toshkentdagi Singapur menejmentni rivojlantirish instituti o‘rtasida hamkorlik aloqalari yo‘lga qo‘yildi