Xalqaro ahamiyatdagi avtomobil yo‘llarida orqaga qayrilib olish joylari yer ostidan yoki yer ustidan o‘tkaziladi

Ichki ishlar vazirligi Yo‘l harakati xavfsizligi bosh boshqarmasi 2021 yilda davlat yo‘l harakati xavfsizligi xizmati sohasida amalga oshirilishi ko‘zlangan istiqbolli rejalar to‘g‘risida ma'lumot berdi.

Foto: IIV YHXBB axborot xizmati

Qayd etilishicha, xalqaro ahamiyatdagi avtomobil yo‘llarida orqaga qayrilib olish joylarini o‘rganib chiqish mo‘ljallanmoqda.

Ma'lum qilinishicha, o‘rganish natijasiga ko‘ra, lozim deb topilgan qayrilib olish joylarini yer ostidan yoki yer ustidan o‘tkazish bo‘yicha taklif tayyorlash va zaruriy choralarni ko‘rish rejalashtirilgan.

Avvalroq, YPX xodimlarining piyoda xizmat olib borishi tizimidan bosqichma-bosqich voz kechilishi xabar qilingandi.

Bunda YPX xodimlarining faqat qoidabuzarliklarni avtomatik tarzda aniqlash qurilmalari bilan jihozlangan patrul avtomobillarida xizmat olib borishini yo‘lga qo‘yish rejalashtirilgan.