22:26 / 03.02.2021
6065
Мьянманинг ҳокимиятдан четлатилган раҳбарларига айбловлар билдирилди

Мьянма ҳуқуқ-тартибот идоралари ҳарбийлар томонидан ҳокимиятдан четлатилган президент Вин Мьин ва давлат маслаҳатчиси, ҳукмрон партия етакчиси Аун Сан Су Чжига мамлакатнинг бир нечта қонунини бузиш айбловини қўйди. 

Вин Мьин ва Аун Сан Су Чжи

Ҳукмрон партия “Демократия учун миллий лига” аъзоси Чжи Тонинг маълум қилишича, Вин Мьин табиий офатлар оқибатларини бартараф этиш ҳақидаги қонунни, Аун Сан Су Чжи эса импорт-экспорт ҳақидаги қонунни бузишда айбланмоқда. Уларни 1 февралдан 15 февралгача ҳибсда ушлаб туришга суд ордерлари берилган.

Полиция рапортида маълум қилинишича, Аун Сан Су Чжига қўйилаётган айблов унинг уйида тинтув ўтказилганда мамлакатга ноқонуний тарзда олиб кирилган ва тегишли рухсатсиз қўлланган рациялар аниқлангани билан боғланган. Вин Мьин эса коронавирус эпидемияси вақтида ўз рафиқаси билан мамлакатнинг кўплаб ҳудудларига ташриф буюрган. Бу эса табиий офатлар оқибатларини бартараф этиш ҳақидаги қонуннинг бузилиши ҳисобланади.

Мавзу
Мянмада ҳарбийлар исёни
1 феврал куни Мянмада ҳарбийлар мамлакатнинг амалдаги раҳбари Аунг Сан Суу Кйини ҳибсга олиб, ҳокимият армия бош қўмондони Мин Ауинг Ҳлаингга ўтганини, бир йил давомида фавқулодда ҳолат режими амалда бўлишини эълон қилишди.
Барчаси
Top