Ta'mirga muhtoj yo‘llarning qaysilari birinchi bo‘lib ta'mirlanishi qanday hal etiladi?

{Yii::t(}

O'tkazib yuborish 6s

O'tkazib yuborish

«Tan olishimiz kerak, mahalliy yo‘llar tuman va shahar obodonlashtirish boshqarmalari tasarrufida bo‘lgan va to‘g‘ridan to‘g‘ri mahalliy budjetga bog‘lab qo‘yilgan edi. Tuman obodonlashtirish boshqarmalarida yo‘l infrastrukturasiga qarovchi bir nafardan mutaxassis bo‘lgan. Tumanda 300–500 km yo‘l bo‘lsa, bir mutaxassis bilan bu yo‘lni tartibga solib yoki ta'mirlash imkoniyati bo‘lmagan.

Mahalliy hokimiyatlarni to‘g‘ridan to‘g‘ri aybdor qilish noto‘g‘ri bo‘lar, lekin e'tibor shu ahvolda edi. Endilikda bu tizim prezident qarori bilan o‘zgartirildi. Mintaqaviy yo‘llarni ta'mirlashga alohida buyurtmachi xizmati tuzildi. Ular faqat yo‘llarni ta'mirlashga ixtisoslashgan bo‘lib, buyurtmachi xizmatini ko‘rsatadi. Shundan keyin biz ish sifatiga erishamiz. Shunga qaramay, kamchiliklar bo‘lsa, biz hamkorlikda ko‘rib chiqishga tayyormiz.

Ketma-ketlikni kim tanlaydi, deyilsa, odatda ichki yo‘llarimizni mahalliy hokimiyat organlari, jamoatchilik va MFY hamkorlikda dalolatnoma tuzib, qaysi biri avval ta'mirlanishini hal etadi.

Ko‘pincha ijtimoiy obektlar joylashgan maktab, bog‘cha, vrachlik punktlari, bozorga yoki jamoatchilik gavjum ko‘chalar asfalt qilinadi. Qolgan ko‘chalar esa toshli-shag‘alli qilinyapti», – dedi Shuhrat Nazarov 3 fevral kungi matbuot anjumanida.

Anjumanda Respublika yo‘l fondiga bir yilda qancha mablag‘ ajratilayotgani va uning qanchasi avtomobil yonilg‘isidan olinadigan tushum hisobiga to‘g‘ri kelishi haqida ham savol berildi.

«Respublika yo‘l jamg‘armasi 2019 yilda tugatilgan, hozirda bunday tushuncha yo‘q. Bizga kelib tushadigan mablag‘lar bevosita respublika budjetidan ajratiladi. Avval korxonalarning aylanmasidan 1,5 foiz to‘lanar edi, lekin bu narsalar bekor bo‘lgan va hozirda yonilg‘idan yo‘l fondiga tushadigan pul mablag‘i yo‘q.

Bevosita yonilg‘i tarkibida Respublika yo‘l jamg‘armasiga yo‘naltiriladigan mablag‘ yo‘q. Hozirda budjetda bunaqa termin ham, bunaqa holat ham yo‘q, ya'ni bevosita budjetdan olinadigan bo‘lgan», deya javob berdi Avtomobil yo‘llari davlat qo‘mitasi birinchi o‘rinbosari.

«60 ming kilometrdan ziyod yo‘llar ta'mirtalab holatda» — Avtomobil yo‘llari qo‘mitasi

Transport prokuraturasi yo‘l va ko‘priklar qurilishidagi jinoyatlar haqida ma'lumot berdi