Boulevard Business Center – ishonch va muvaffaqiyat ramzi

Tashqi fasad ko‘rinishning o‘ziga xos me'morchiligi Boulevard Business Center'ning funksional va texnologik ekanligini aks ettirib turadi.

Boulevard – bu Tashkent City xalqaro ishbilarmonlik markazi hududidagi zamonaviy va funksional ishbilarmonlik markazi. Biznes markazi ikki qavatli bo‘lib, unda ofis va tijorat binolari joylashgan. Poytaxt ishbilarmonlik hayotining markazida joylashgan foydali manzil sizga mamlakatning eng yirik moliya markazi, xalqaro darajadagi mehmonxonalar, kongress xoll, shuningdek, yetakchi banklar va xalqaro vakolatxonalar ofislar yonida faoliyat olib borish imkoniyatini yaratadi. Shu kabi barcha jihatlar shubhasiz, kompaniyangiz mijozlari va sheriklari tomonidan alohida e'tirof etiladi.

Boulevard biznes markazi o‘ziga xos futuristik tashqi me'morligi sabab Tashkent City xalqaro ishbilarmonlik markazining boshqa binolari orasida alohida ajralib turadi. Markaz katta maydonga ega bo‘lmasa-da o‘zining mahobati bilan atrofdagilar nigohini jalb etadi. Ikki qavatli bino 4000 kvadrat metr maydonni egallaydi. Biznes markazidagi har bir kvadrat metr puxta loyihalangan.

Biznes markazining binosi nostandart ko‘rinishga ega, metall fasad uchburchak prizmaga o‘xshaydi. Fasad asosini oyna va metall panellar asosida yaratilgan grafik bezaklar tashkil etadi. Metall qoplamalar mustahkamlik, ishonch va cheksizlikni bildiradi.

Biznes markazi binosining asosiy rangi neytral sokin kulrang bo‘lib, u binoga ishbilarmonlik muhitini baxsh etgan. Binoning me'moriy konsepsiyasi obektning mavqeyi va salobatidan darak beradi. Shu sabab Boulevard Business Center funksionallik, qulaylik va mahobatni qadrlaydiganlar uchun ideal tanlov bo‘ladi.

Yagona ma'lumot markazi: +99871 202-22-22

Sotuv ofisi har kuni, dam olish kunisiz soat 09:00 dan 19:00 gacha ishlaydi.

Manzil: Toshkent shahri, Furqat ko‘chasi, Tashkent City XIM

Mo‘ljal: Xalqlar do‘stligi maydonidan Alisher Navoiy shohko‘chasi tomon yo‘l.

Sayt: dreamcity.uz

Telegram: t.me/dreamcityuz

Facebook: fb.com/dreamcity.uz

Instagram: @dreamcity.uz

Reklama huquqi asosida