Aкбар Ризаев Миллий масс-медиани қўллаб-қувватлаш ва ривожлантириш жамоат фонди директори этиб тайинланди. Бу ҳақда фонд телеграм-каналида хабар қилинди.
“У ушбу лавозимни 2021 йил 11 февралда бошлади.
Aввалроқ у Ўзбекистон Республикаси Президенти Администрацияси ҳузуридаги Aхборот ва оммавий коммуникациялар агентлигининг Aхборот-таҳлилий таъминоти бўлими бошлиғи лавозимида ишлаган”, дейилади хабарда.
Эслатиб ўтамиз, Миллий масс-медиани қўллаб-қувватлаш ва ривожлантириш жамоат фондининг асосий мақсади оммавий ахборот воситаларига медиа бозорида тенг шароит яратиш, уларни янада ривожлантириш ҳамда журналист ва блогерларнинг ҳуқуқларини рўёбга чиқаришда кўмаклашиш ҳисобланади.
