Favqulodda vaziyatlar vazirligi Chimyonda qor ko‘chish xavfi haqida e'lon qildi.
FVV ma'lumotiga ko‘ra, 2021 yil 10 mart soat 08:00dan 11 mart soat 08:00gacha Chimyon hududida qor ko‘chkisi xavfi e'lon qilindi.
«Hurmatli dam oluvchilar! Ehtiyotkorlik choralarini ko‘rishingizni va «Diqqat! Qor ko‘chishi xavfi mavjud» belgisi bilan cheklangan joylarga kirmaslikni iltimos qilamiz», deyiladi FVV xabarida.
Bugun, 10 mart kuni respublikaning tog‘li hududlarida ba'zi joylarda yog‘ingarchilik bo‘ladi. Qor ko‘chishi xavfi bor. Shamol 7-12 m/s tezlikda esadi, ba'zi joylarda 15-20 m/s gacha kuchayishi mumkin. Havo harorati 2-7 daraja iliqni tashkil etadi.
