Qashqadaryoda 2021 yilning 2 oyi davomida YTH oqibatida 26 nafar odam halok bo‘lgan

Qashqadaryo viloyat yo‘l harakati xavfsizligi boshqarmasi jurnalist va blogerlar uchun brifing tashkil etdi. Unda boshqarma boshlig‘i o‘rinbosari Sherali Mingliyev viloyat hududida sodir etilgan yo‘l-transport hodisalari keskin oshib ketayotganligi sabablari haqida ma'lumot berdi.

Jumladan, 2021 yilning o‘tgan 2 oyi davomida viloyat hududda yo‘l-transport hodisalari soni 60 tadan 58 taga yoki 3,3 foizga, unda jarohat olganlar soni 52 nafardan 46 nafarga yoki 11,5 foizga kamaygan bo‘lsa-da, halok bo‘lganlar soni 26 nafarga yetgan.

Bundan tashqari, sodir etilgan 58 ta yo‘l-transport hodisalari turlari bo‘yicha tahlil qilinganda:

To‘qnashuvlar 11 ta, ag‘darilish 6 ta, to‘siqqa urilish 8 ta, piyodani urib yuborish 27 ta, velosipedchini urib yuborish 6 tani tashkil qilgan.