19:30 / 19.03.2021
1590
Сўнгги ўн йилда Самарқанд вилоятидан кўчиб кетганлар сони маълум қилинди

Сўнгги ўн йил давомида Самарқанд вилоятидан 152 327 нафар одам кўчиб кетган. Вилоятга 102 874 нафар одам кўчиб келган. Бу ҳақда вилоят статистика бошқармаси хабар бермоқда.

Қайд этилишича, 2020 йилда Самарқанд вилоятидан 18 040 нафар одам кўчиб кетган. 5176 нафар одам кўчиб келган. Орадаги фарқ 12 864 нафар. Бу сўнгги ўн йилдаги энг катта кўрсаткич ҳисобланади. Бошқа йилларда тафовут унча катта бўлмаган.

Маълум бўлишича, сўнгги ўн йил сарҳисоб қилинганда Самарқанд вилоятидан энг кўп одам 2020 йилда кўчиб кетган – 18040 нафар. Энг кам 2012 йилда кўчиб кетган – 13 741 нафар.

Вилоятга энг кўп одам 2011 йилда кўчиб келган – 12 983 нафар. Энг кам 2020 йилда кўчиб келган – 5 176 нафар.

Маълумот учун, 2020 йилда Ўзбекистондан 203,7 минг одам кўчиб кетган. 191,2 минг одам кўчиб келган.

Top