Navoiylik shaxmatchi qiz jahon chempionatida ishtirok etadi

Navoiy shahridagi 2-umumta'lim maktabining 7-sinf o‘quvchisi Barchinoy Shokirjonova shaxmat bo‘yicha Gruziyaning Batumi shahrida bo‘lib o‘tadigan jahon chempionatiga yo‘llanmani qo‘lga kiritdi.

Shaxmat bilan bolaligidan shug‘ullanib kelayotgan Barchinoy 2018 yil Rossiya Federatsiyasining Sochi shahrida o‘tkazilgan jahon chempionatida 2-o‘rinni qo‘lga kiritgan edi. 2019 yil esa maktab o‘quvchilari o‘rtasida Osiyo chempionatida 13 yoshlilar orasida 3-o‘rinni egallagandi.

Joriy yil 14 yoshgacha qizlar o‘rtasida O‘zbekiston chempionatida standart, rapid va blis yo‘nalishlarida tengsiz deb topilgan shaxmatchi qiz endi jahon chempionatida O‘zbekiston sharafini himoya qiladi.