21:00 / 05.04.2021
11784
Нуробод туманига аёл киши прокурор бўлди
Норсулув Сойипова

Самарқанд вилояти Нуробод туманига аёл киши прокурор этиб тайинланди. Бу ҳақда Нуробод туман ҳокимлиги ахборот хизмати хабар бермоқда.

Маълум қилинишича, бугун Нуробод тумани ҳокимлиги мажлислар залида вилоят прокурори Р.Машарипов иштирокида йиғилиш бўлиб ўтган. Унда ташкилий масала кўрилиб, Бош прокурорининг буйруғи билан Норсулув Сойипова Нуробод тумани прокурори лавозимига тайинланган.

Н.Сойипова 1979 йилда Каттақўрғон туманида туғилган, маълумоти олий – ҳуқуқшунос. 2001 йилда Тошкент давлат юридик институтини тамомлаган. У прокуратура органларидаги хизмат фаолиятини Самарқанд тумани прокуратурасида бошлаб, 2019 йилдан буён Самарқанд шаҳар прокурорининг катта ёрдамчиси лавозимида фаолият юритган.

Маълумот учун, Н.Сойипова айни вақтда Самарқанд вилоятидаги ягона аёл туман прокурори ҳисобланади.

Top