22:57 / 10.04.2021
3638
Самарқанддаги мактаблардан бири ўқувчисида коронавирус аниқлангани учун 14 кунга ёпилди
Иллюстратив фото

Самарқанд шаҳридаги мактабда бир нафар ўқувчида коронавирус аниқланган. Шу сабабли мактаб 14 кунлик карантинга ёпилган. Бу ҳақда вилоят халқ таълими бошқармаси ахборот хизмати хабар бермоқда.

Маълум қилинишича, жорий йилнинг 7 апрел куни Самарқанд шаҳар санитария-эпидемиология осойишталик ва жамоат саломатлиги бўлими томонидан олиб борилган эпидемиологик суриштирув чоғида шаҳардаги 35-умумтаълим мактабининг бир нафар ўқувчисида Covid-19 касаллиги аниқланган.

Шундан сўнг, шаҳар санитария-эпидемиология осойишталик ва жамоат саломатлиги бўлимининг 2021 йил 8 апрелдаги 5-сонли қарорига асосан 35- умумтаълим мактаби 14 кун мобайнида фаолиятини онлайн олиб бориши бўйича қарор қабул қилинган.

Top