20:07 / 20.04.2021
4879
2021 йилнинг дастлабки уч ойида энг кўп смартфон сотган компания маълум бўлди

Қайд этилишича, бутун дунёда смартфонлар савдоси ўсган. Жорий йилнинг биринчи чорагида 340 миллион дона смартфон сотилган.

Samsung 2021 йилнинг дастлабки уч ойида энг кўп смартфон сотган компания бўлди. Бу ҳақда Strategy Analytics маълумотида айтилмоқда.

Компания биринчи чоракда 77 миллион дона гаджет сотиб, бозорнинг 23 фоизини эгаллаган.

Иккинчи ўринга Apple жойлашди – 57 миллион дона смартфон ва бозорнинг 17 фоизи.

Учинчи ўринни 49 миллион дона смартфон сотиб, бозорнинг 15 фоизини забт этган Xiaomi эгаллади.

Тўртинчи ва бешинчи ўринларни Oppo (23 миллион дона смартфон ва бозорнинг 11 фоизи) ва Vivo (20 миллион дона смартфон ва бозорнинг 11 фоизи) банд этди.

Қайд этилишича, бутун дунёда смартфонлар савдоси ўсган. Жорий йилнинг биринчи чорагида 340 миллион дона смартфон сотилган (2020 йилда 275 миллион дона).

Смартфонлар савдоси ўсишига 5G технологиясининг кенгайиши сабаб бўлгани айтилмоқда.

Top