22:39 / 30.04.2021
10089
Афғонистондаги терактда 30га яқин одам ҳалок бўлди

Афғонистонда миналаштирилган автомобилнинг портлаши оқибатида 30га яқин одам ҳалок бўлди, камида 60 киши яраланди. Бу ҳақда Pajhwok нашри хабар берди.

Портлаш Лоҳар вилоятининг маъмурий маркази Пули-Аламда юз берган. Дастлабки маълумотларга кўра, автомобил ўнлаб ёшлар тўпланган бино ёнида портлатилган. Улар бу ерга Лоҳар университетига кириш имтиҳонларини топшириш учун йиғилишган бўлган.

TOLONews телеканалининг хабар беришича, бинога жиддий шикаст етган. Маълумотларга кўра, вайроналар остида ўнлаб одамлар бўлиши мумкин.

Афғонистонда ҳаракат қилувчи бирорта террорчи гуруҳ ҳозирча ушбу ҳужум учун жавобгарликни ўз зиммасига олмаган.

Ҳужум АҚШ ва НАТО Афғонистондан ўз қўшинларини олиб чиқишни бошлаган вақтда содир этилди. Қўшинлар олиб чиқилишини 11 сентябргача якунлаш режалаштирилган.  

Top