Quruvchilarga o‘zlari qurgan ko‘p qavatli uylarga 2 yil xizmat ko‘rsatish majburiyati yuklatiladi

O‘zbekiston bo‘ylab yangi qurilgan 3 mingta ko‘p kvartirali uy-joylarga xizmat ko‘rsatish yo‘lga qo‘yilmagan. Bu haqda prezident Shavkat Mirziyoyev 28 may kungi videoselektorda aytib o‘tdi.

Ma'lum qilinishicha, Toshkent viloyatida – 623 ta, Buxoroda – 621 ta, Xorazmda – 249 ta, Surxondaryoda – 195 ta va Namanganda – 170 ta yangi ko‘p qavatli uylarga boshqaruvchilar biriktirilmagan.

«Shuning uchun bir oy muddatda quruvchi tashkilot yangi qurilgan ko‘p qavatli uylarni, boshqaruv kompaniyasi tashkil qilgan holda, ikki yil davomida saqlashni o‘z zimmasiga olishini nazarda tutuvchi tizim yaratilsin.

20 foiz pulini to‘lamaslik kerak, toki 2 yil ishlab bersin. Shuni qonuniy jihatdan qilish lozim», – dedi Shavkat Mirziyoyev.