Aholi bilan muloqot vaqtida Fransiya prezidentining yuziga tarsaki tushirishdi

Omma orasida turgan erkaklardan biri Emmanuel Makronga qo‘l uzatgan va Fransiya prezidenti uning qo‘lidan tutib, suhbatlashmoqchi bo‘lgan vaqtda erkak Makronning yuziga tarsaki tushirgan.

Drom departamentida Fransiya prezidenti Emmanuel Makronning yuziga tarsaki tushirgan shaxs qo‘lga olindi. Bu haqda BFM telekanali xabar berdi.

Ijtimoiy tarmoqlarda tarqalgan videoyozuvdan ma'lum bo‘lishicha, Makron departamentga safari vaqtida to‘siq ortida turgan mahalliy aholi bilan suhbatlashish uchun borgan.

Omma orasida turgan erkaklardan biri Emmanuel Makronga qo‘l uzatgan va Fransiya prezidenti uning qo‘lidan tutib suhbatlashmoqchi bo‘lgan vaqtda erkak Makronning yuziga tarsaki tushirgan.

Makronning tansoqchilari davlat rahbarini chetga olishgan va tarsaki tushirgan erkakni darhol yiqitib qo‘lga olgan.