YPX xodimlarida haydovchilar bilan muloqot madaniyati yetarli emasligining sababi aytildi

Qonunchilik palatasida IIV Yo‘l harakati xavfsizligi bosh boshqarmasi vakillari bilan yig‘ilish bo‘lib o‘tdi.

Yig‘ilishda ma'lum qilinishicha, 2021 yilning 5 oyida YHX tizimida o‘z kasbiga nopok munosabatda bo‘lishga doir 978 ta holat aniqlanib, chora ko‘rilgan, 200 nafar xodim attestatsiyadan o‘ta olmagani sabab lavozimidan ozod etilgan.

Yig‘ilishda aholining huquqiy bilimi oshayotgani va ochiqlik sharoitida YPX xodimlarining haydovchilar bilan muloqot qilish madaniyatini oshirish kerakligi ta'kidlanib, bu masalada izoh so‘raldi.

{Yii::t(}

O'tkazib yuborish 6s

O'tkazib yuborish

Savolga javob bergan IIV YHXB boshlig‘i o‘rinbosari Erali Bozorov YPX xodimlarining ma'lumoti og‘riqli masala ekani, ularning 60 foizga yaqini o‘rta maxsus ma'lumotli ekanini aytib o‘tdi.

«Bu – og‘riqli joyimiz. Bu bo‘yicha ham ishlar olib borilyapti. Birinchi navbatda biz xodimlarning bilim saviyasi, ma'lumoti qay darajada, degan savolni o‘rtaga tashladik.

Ayni vaqtda 60 foizga yaqin xodimlarimiz o‘rta maxsus ma'lumotga ega. Oliy ma'lumotga ega emas. Oldimizga shunday maqsad qo‘ydik: yo‘l-patrul xizmati xodimlarining hammasi oliy ma'lumotli bo‘lishi kerak.

Xodimlar oliy ma'lumotli bo‘lmas ekan, biz bu masalani to‘liq yecha olmaymiz. O‘tgan yili bosh vazir davlat yo‘l harakati xavfsizligi xizmatida namunali xizmat qilayotgan xodimlarning sirtqi bo‘limga tavsiyanoma asosida kirishiga ruxsat berdi. 100 ta xodimimizni o‘tgan yili o‘qishga kirgizdik. Bundan tashqari, IIV akademiyasidan bu yil 50 nafar birinchi qaldirg‘ochlarimiz bitirib chiqdi.

Shular orqali birinchi navbatda xodimlarni oliy ma'lumotli qilmoqchimiz. Qolaversa, YHXBBda ilmiy-o‘quv markazi tashkil qildik. U yerda birinchi navbatda rahbarlarni o‘qitishni yo‘lga qo‘ydik.

Birinchi bosqichda viloyatlardagi YHXB boshliqlari, xalq tilida «nachalnik GAI»larni o‘qitishdan boshladik. Chunki haqiqatan ham bilim saviyasi yetarli emas edi. Keyingi bosqichda ularning o‘rinbosarlarini o‘qitdik.

Hozirgi kunda shunday xulosaga keldikki, baribir bolalarning bilimini oshirmasak, ularni qayta tayyorlamasak bo‘lmaydi. Shu maqsadda ularning hammasini Toshkentga yig‘ib emas, joyiga borib o‘qitishni ham yo‘lga qo‘ydik. Birinchi bo‘lib Qashqadaryo viloyatidan boshladik. YHXBB boshlig‘ining birinchi o‘rinbosari boshchiligida mutaxassislar bilan borib, 1 hafta davomida sayyor o‘qishlarni tashkil qildik.

Hozir hamma xodimlarni birdaniga o‘qitishga imkoniyatimiz yo‘q. Shuning uchun joyiga chiqib o‘qityapmiz. Qashqadaryo, Qoraqalpog‘istonda sayyor o‘qishlar o‘tkazdik, hozir Namanganda ham boshladik.

Bundan tashqari, o‘tgan yildan boshlab Ichki ishlar vazirligida malaka oshirish instituti faoliyatini boshlagan. O‘tgan hafta 25 kishilik bir guruhimiz kurslarni bitirib chiqdi. O‘rniga yangi guruh keladi. Bu ham o‘z natijasini beradi degan umiddaman.

Lekin bitta narsani aytib o‘tishim kerak, yo‘lda xizmat qilayotgan bolalarimiz oliy ma'lumotga ega emas. Oliy ma'lumotli xodim bilan o‘rta maxsus ma'lumotli xodim o‘rtasida ancha-muncha farq bo‘lishini, menimcha, gapirmasam ham hamma tushunib turibdi”, – dedi IIV YHXB boshlig‘i o‘rinbosari Erali Bozorov.