22:26 / 03.07.2021
21593
Тожикистонга 300дан ортиқ афғон ҳарбийлари қочиб ўтгани маълум қилинди

Қайд этилишича, афғон ҳарбийлари «толиблар билан аёвсиз жанглардан сўнг шахсий таркибни сақлаб қолиш мақсадида» чегарани кесиб ўтган.

Тожикистон чегарачилари «Толибон» ҳаракати билан жанглардан сўнг чекинишга мажбур бўлган 300 нафардан ортиқ афғон ҳарбий хизматчиларини республика ҳудудига киритди. Бу ҳақда Тожикистон давлат миллий хавфсизлик қўмитаси чегара қўшинлари матбуот хизматига таяниб «Ҳовар» агентлиги хабар берди.

Хабарда айтилишича, Тожикистон чегарачилари «инсонийлик ва яхши қўшничилик тамойилларига амал қилган ҳолда» афғонистонлик ҳарбийларга республика ҳудудига киришга рухсат берган.

Қайд этилишича, афғон ҳарбийлари «толиблар билан аёвсиз жанглардан сўнг шахсий таркибни сақлаб қолиш мақсадида» чегарани кесиб ўтган.

Аввалроқ КХШТ Афғонистон шимолидаги вазият ёмонлашаётганини билдирганди.

Мавзу
АҚШнинг Афғонистондан кетиши
АҚШ Афғонистонда 20 йил давом этган ҳарбий кампаниясини тамомламоқда. Толиблар эса мамлакат ҳудудларини бирин-кетин эгаллаб олмоқда.
Барчаси
Top