Lukashenko Belarus Yevroittifoqqa yo‘l olgan migrantlarni to‘xtatmasligini aytdi

Lukashenkoning fikricha, migratsion oqimning kuchayishiga xususan, Afg‘onistondagi harakatlari bois Yevroittifoq mamlakatlarining o‘zlari sababchi.

Belarus prezidenti Aleksandr Lukashenko respublika Yevroittifoqqa yo‘l olgan migrantlarni to‘xtatmasligini aytdi.

"Agar kimdir Polsha, Litva, Latviya va Ukraina bilan chegarani yopishimizni va Afg‘oniston, Eron, Iroq, Liviya, Suriya, Tunisdan keladigan qochoqlar makoniga aylanishimizni o‘ylayotgan bo‘lsa, u kamida adashayotgan bo‘ladi. Biz hech kimni hech qachon to‘xtatmaymiz: ular bizgamas, yorqin, iliq, shinam Yevropaga borishmoqda", - dedi u.

Uning fikricha, migratsion oqimning kuchayishiga xususan, Afg‘onistondagi harakatlari bois Yevroittifoq mamlakatlarining o‘zlari sababchi.

"Ular bu mamlakatlarni vayron qildi. Ular Afg‘onistonni amalda yo‘q qildi va u yerdan qo‘shinlarini olib chiqdi. U yerda nima bo‘layotganini ko‘rib turibsiz: hozirda sobiq ittifoqning Markaziy Osiyo respublikalari bu oqimni bazo‘r tutib turibdi. Ya'ni qochqinlar paydo bo‘ldi", - dedi u.

#Yevroittifoq #Aleksandr Lukashenko