19:06 / 07.07.2021
11778
Самарқанд халқаро аэропортига янги директор тайинланди

Андижон халқаро аэропорти директори лавозимини эгаллаб турган Сайдулло Тўхтасинов Самарқанд халқаро аэропортига директор этиб тайинланган. Бу ҳақда Uzbekistan Airports матбуот хизмати хабар бермоқда.

Маълум қилинишича, 2021 йил 6 июль куни Uzbekistan Airports раҳбари Раъно Жўраева раҳбарлигидаги компания бошқарув кенгашининг сайёр йиғилиши ўтказилган. Йиғилишда Самарқанд халқаро аэропорти директори Муроджон Жамолов ишдан бўшатилган ва унинг ўрнига Андижон халқаро аэропорти директори лавозимини эгаллаб турган Сайдулло Тўхтасинов директор этиб тайинланган.

Бундан ташқари, йиғилишда Самарқанд аэропортини 2022 йил майида Шанҳай ҳамкорлик ташкилоти саммитига хизмат кўрсатишга тайёрлаш масаласи муҳокама қилинган.

«Самарқанд аэропорти тўлиқ янгиланмоқда. ШҲТ саммитига тайёргарлик кўрилмоқда. Бугун биз янги директор тайинладик, бундан кейин биз жамоамизни йирик саммитлар пайтида аэропортда хизмат кўрсатиш тажрибасига эга хорижий мутахассислар билан кучайтирамиз», – деган Раъно Жўраева.

Шунингдек, Uzbekistan Airports раҳбари яқин келажакда Аir Маrakanda билан давлат-хусусий шериклик шартномаси имзоланишини эълон қилган.

Top