Afg‘oniston xavfsizlik kuchlari Qandahorda toliblar hujumini to‘xtatdi
Toliblar oxirgi sutkalarda Qandahor shahri atrofidagi o‘nga yaqin tumanni o‘z nazoratlariga olgandi.

Foto: Reuters
Afg‘oniston xavfsizlik kuchlari "Tolibon" harakati jangarilarining Qandahordagi hujumlarini to‘xtatdi. Bu haqda TOLO News telekanali xabar berdi.
Toliblar oxirgi sutkalarda Qandahor shahri atrofidagi o‘nga yaqin tumanni o‘z nazoratlariga olgandi. Juma kuni ular shahardagi yettinchi ma'muriy tumanga hujum qildi va ikkita blokpostni egalladi. To‘qnashuvlar davomida yuzga yaqin tolib o‘ldirilgan, tinch aholi orasida ham qurbonlar bor.
Telekanalning xabar berishicha, xavfsizlik kuchlari "Tolibon" jangarilarining shahar ichiga kirib kelishini to‘xtatgan. Qandahor shahri politsiyasi boshlig‘i Salim Ehsosning so‘zlariga ko‘ra, vaziyat nazorat ostida.
Hukumat kuchlari yangi hujumlarni qaytarish va toliblarni siqib chiqarishga tayyorgarlik ko‘rmoqda. Xabar qilinishicha, shaharga qo‘shimcha kuchlar yetib kelgan.
Shu bilan birga, mamlakatning boshqa viloyatlari, jumladan, Qunduz, Bog‘lon, Hirot, G‘azni viloyatlarida harbiy harakatlar davom etmoqda. Afg‘oniston mudofaa vazirligi Qunduz viloyatidagi Aliobod shahri toliblardan qaytarib olinganini ma'lum qildi.
Avvalroq toliblar Afg‘oniston-Eron chegarasidagi asosiy nazorat-o‘tkazuv punktini egallab olishgani, Turkmaniston bilan chegara hududida otishma ovozlari eshitilgani to‘g‘risida xabar berilgandi.
Tavsiya etamiz
O‘qituvchilarni ovoz yig‘ishga majburlagan maktab direktori ishdan olindi
O‘zbekiston | 11:20 / 14.03.2025
Putin AQSh va Ukrainaning 30 kunlik otashkesim taklifiga rozi bo‘ldi
Jahon | 23:00 / 13.03.2025
“Xitoy bilan oramiz buzilishini istovchi davlatlar bor” – tarmoqdagi dolzarb mavzu haqida suhbat
O‘zbekiston | 15:17 / 13.03.2025
«Credit House» ishi: Minglab odamlar uysiz va pulsiz qolyapti
O‘zbekiston | 12:30 / 13.03.2025
So‘nggi yangiliklar
-
Trampning ehtiyotsizligi AQSh fond bozorini qulatdi - AQShda krizis xavfi bormi?
Jahon | 09:00
-
Emmanuel Makron Yevropaga «yadroviy qalqon» taklif etdi
Jahon | 08:50
-
AQShga kuchli tornado yopirildi, o‘nlab qurbonlar bor
Jahon | 08:37
-
AQSh Tramp buyrug‘idan keyin Yamandagi husiychilarga aviazarbalar bermoqda
Jahon | 07:48
Mavzuga oid

20:52 / 14.03.2025
Afg‘onistondagi Qo‘shtepa kanali qurilishi USAID tomonidan moliyalashtirilgan – OAV

18:53 / 05.03.2025
Tramp afg‘onistonlik «Bosh terrorchi» hibsga olinganini e’lon qildi

17:10 / 04.03.2025
“Tolibon”ning Qo‘shtepa kanali. Buning O‘zbekistonga ta’siri qanday bo‘ladi?

10:36 / 03.03.2025