07:53 / 20.07.2021
70021
Ўзбекистоннинг доимий аҳолиси сони маълум қилинди
Фото: KUN.UZ

Ўзбекистонда олти ой давомида аҳоли сони қанчага кўпайгани маълум бўлди. Статистика қўмитаси тегишли хабарни эълон қилди.

Давлат статистика қўмитаси маълумотларига кўра, 2021 йилнинг 1 июл ҳолатига республиканинг доимий аҳолиси 34 860 170 кишини ташкил этмоқда.

Хусусан, шаҳар жойларда – 17,7 млн киши, қишлоқ жойларда – 17,2 млн киши истиқомат қилади.

2021 йилнинг 1 январ ҳолатига кўра, Ўзбекистон аҳолиси 34 миллион 558,9 минг кишини ташкил этган.

1 апрел ҳолатига кўра эса, Ўзбекистоннинг доимий аҳолиси сони 34 695 600 кишини ташкил этди. Аҳоли сони йил бошидан буён 136 700 кишига ёки 0,4 фоизга кўпайган.

Top