Turkiyada o‘rmon yong‘inlari sababli Marmarisdagi mehmonxonalarda evakuatsiya boshlandi

Turkiyada o‘rmon yong‘inlari Marmaris kurort rayonigacha yetib keldi, deb xabar bermoqda TRT Haber.

Xabarda aytilishicha, olov keng hudud bo‘ylab tarqalgan, tabiiy ofat hududiga ko‘plab o‘t o‘chirish brigadalari va vertolyotlar jo‘natilgan.

Olov yashash maskanlariga yaqinlashgani sababli mehmonxonalar xodimlari va turistlar evakuatsiya qilingan. 

Ma'lumotlarga ko‘ra, yong‘inlar oqibatida uch kishi halok bo‘lgan, 60dan ortiq kishi jabrlangan.

Avvalroq Antalya viloyatidagi Manavgat kurorti hududida yuz bergan o‘rmon yong‘ini oqibatida kamida 53 kishi jabrlangani aytilgandi.