Britaniya Mudofaa vazirligi afg‘onlarga mamlakatdan qochish bo‘yicha ko‘rsatmalar beradi

Britaniya mudofaa vaziri Ben Uolles britaniyalik harbiylar bilan hamkorlik qilgan va Afg‘onistonda evakuatsiya jarayoni tugagandan keyin u yerda qolib ketadigan afg‘onlarga mamlakatdan qochishni maslahat berdi. U qirollik harbiy-havo kuchlari hamma afg‘on qochqinlarini olib chiqishga ulgurmasligi mumkinligini tan oldi. Vazir bu haqda SkyNews efirida aytib o‘tdi.

U Britaniya qo‘shinlarini Kobuldan olib chiqish 27 avgust kechgacha yakunlanishini va undan keyin Afg‘onistonda mamlakatni tark etmoqchi bo‘lgan ko‘plab afg‘onlar qolib ketishi mumkinligini ma'lum qilgan.

“Biz ularga boshqa davlatlarga qanday yetib olish va hozirgi vaziyatda o‘zlari haqida qanday qayg‘urishlari mumkinligi bo‘yicha maslahat beramiz”, – deb aytgan Britaniya vakili.

Uolles Britaniya toliblarni xalqaro majburiyatlariga amal qilish va afg‘on qochqinlarining mamlakatdan  xavfsiz chiqishi uchun sharoitni ta'minlashga ko‘ndirish maqsadida xalqaro hamjamiyat bilan ishlashini qo‘shimcha qilgan.

Britaniya mudofaa vazirining baholashicha, gap 1100 kishi haqida bormoqda. Bundan tashqari, Britaniyaning 150 ga yaqin fuqarosi turli sabablarga ko‘ra Afg‘onistonda qolishga qaror qilgan.